1
آتا عالمده عجب بیر باهالی نعمتیمیش
سایه سی سایه دگیرمیش برکت رحمتیمیش
حیف اولا گئتدی الیمدن بو ایشیقلی چیراغیم
هر نفس چکماغی واللاه واریمیش دولتیمیش
2
توپراق ايچينده بير دوردانا ياتيبدير
توپراق ايچينده بير خوش سونا ياتيبدير
سٶزون دوزو، ملك اينسان جيلدينده
بوردا بير مئهريبان آنا ياتيبدير
3
نه باخیر سان ،منیم کیمی
من باخیردیم ،سنین کیمی
یاتاجاقسان ،منیم کیمی
باخاجاقلار، سنین کیمی
4
بهار فصلی خزان گلدی باغیما
سولدی آچیلمامیش گوللریم منیم
قارا توپراق چکدی منی کامینا
یاددان چخاتماسین ائللریم منیم
5
نئجه راحت یاتاسان بیر گئجه بیزسیز آتا جان
قوروماز گوز یاشیمیز بیر گئجه سنسیز آتا جان
بیز سنه بولبولی دیک سنده بیزه باغ و چمن
نئجه بولبول یاشاسین باغ و چمن سیز آتا جان
6
هر بیر اولاده شرف شهرت ایله شأن آتادیر
باشا تاج قلبه فرح بخته سلیمان آتادیر
حورمتین ساخلاگینان دایماً عالمده اونون
چونکی دونیایه سنی بخش ائده ن انسان آتادیر
7
سنه گر واضح اولا، اؤلماغیم ای بیکس اوغول
چاغیرین قونشولاری ،آتایا قور بزم عزا
سیز قورون بزم عزا تاکی منی یاد ایلیون
اوخویون سوره الحمد منی شاد ایلیون
8
لای لای گوزوم آغلاما اوره گیمی داغلاما
یات یوخون شیرین اولسون قلبیمی سن داغلاما
9
چیخدیم داغلار باشینا یازی یازدیم داشینا
گلن گئدن اوخوسون نه لر گلدی باشیما
10
آتا جان آلدی الیمدن سنی ظالیم بو فلک
گؤز یاشیم سئل تک آخیر دوزمورو هیجرانه اورک
بیلمه دیم قدرینی من دونیادا اولدوقجا سنین
ایندی حسرتله دوزم آیریلیقا منده گرک
11
گئتمیسن سن، قالمیشیق غمده آتا
قویموسان بیزلری، ماتم ده آتا
نه قدر یاخجیلیغیندان دئسم آزدی
یوخ سنه تای بوتون عالمده آتا
12
قوجاغینا کوچدی آتام ، توپراق آتام امانتین
بیر مرحم قوی یاراسینا ، توپراق آتام امانتین
قلبینده مین آرزی قالدی ، هله نئچه یازی قالدی
قیزی قالدی قیزی قالدی ، توپراق آتام امانتین
13
آتانین تکجه آدی کُل بو دونیایه دئیه ر
آتانین بیر باخیشی مُلک سولیمانه دئیه ر
آتا بیر گولدی گولوستاندا اونا تای اولماز
آتانین عطری بوتون باغ و گولوستانه دئیه ر
14
هیجرینین من بالا مجنون کیمی دیوانه سیم
یارالی پیکرینین گؤر نئجه پروانه سیم
سینه نین گوللرینین بولبول مستانه سیم
بولبول آغلار گولونه فصل خزاندا گوزلیم
15
ای وای سنین قصه جانسوزینی هر کس کی ائشیتدی
بیر آه چکیب کوسدی فلکدن سنه خاطیر
ای دؤست سنین شانسینی هر کس کی بیلیردی
چؤخ آرزولارین آتدی نظردن سنه خاطیر
16
ای اوره گی لاله کیمی قان آنا
قان ائله دی قلبیمی هجران آنا
آنا دئییب هرای چکیب آغلارام
عمروم بؤیی من سنه یاس ساخلارام
17
بیز لری هجرینده آغلاددین آنا
گون کیمی چیخدین نه تئز باتدین آنا
سن بیزی گؤزدن نیه آتدین آنا
ساخلامیشدیق بیز گؤز اوستونده سنی
18
نامرد فلک هر گولی کی چؤخ گؤزل اؤلسا
گولزاری خراب ائیلیه جاق بیر گول آپارسین
چرخ و فلکی ساخلاماق اؤلماز یئتیشن وقت
بو عادت اؤلوب غنچه گتیرسین گول آپارسین